كله إلا أمي

- وشرف أمي أنت حمار

- لأ أنا مش حمار 

- بأقولك وشرف أمي أنت حمار وأنت بتقول لأ, يعني أمي مش شريفه ؟ كله إلا أمي

في النيابه 

- يا باشا الراجل ده بيزدري أمي وكله إلا أمي

- ليه وأزاي ؟

- بيقول يا باشا أن أمي مش شريفه وماشيه مشي بطال وكله إلا أمي

- يا منحل يا مُزدري , أزاي تزذدري أم الراجل الشريفه العفيفه وتقول عليها مش شريفه ؟ أنطق

- يا فندم أنا مجبتش سيرة أمه من الأساس علي لساني خالص

- كداب , أنا حلفتله بشرف أمي وهو مصدقش وكدبني يعني بيزدري أمي ويتهمها في شرفها وكله إلا أمي.

- أنت يا مُزدري يا كافر , هو حلفلك بشرف أمه وأنت مصدقتش ؟ 

- أيوه حصل 

- يتم حبس المتهم بتهمة إزدراء أم المُدعي بعد إعترافه, وكله إلا أمه 

----------------------------------------------------------------

نداء للعقل (لمن يستخدمه) :

بطلوا تدخلوا شرف أمكم في حاجات ملهاش علاقة بأمكم خالص, ولما حد يرفض كلامكم وإهانتكم تتهموه بالإزدراء والطعن في شرفها.

في الحقيقة أنتم الي بتاجروا بشرف أمكم وبتزدروه في ما لا يليق