السبت، 30 أبريل، 2011

مباراة القمة

مباراة حماسية جداً بتتلعب دلوقتي بين الكنيسة ومشجعيها من الأقباط من جهة ومن الأخوان والسلفيين ومشجعيهم من المسلمين من الجهة الأخري والمباراة علي ملعب وفاء وكاميليا , واللي هيولع في البلد أكتر هيغلب.
ومنظم المباراة هم المسئولين عن الدولة والإعلاميين.
وتم الإعلان عن جائزة الفائزوهي الشعب (المشجعين) , اللي هيغلب هياخد المشجعين بتوعه ويشغلهم عبيد له.
المدهش أن الشعب بيشجع بحرارة وساعات بينزل يلعب , ومش واخد باله ( أو عامل نفسه مش واخد باله) أنهم بيلعبوا عليه.
والفريقين طلبوا أن الحكم يبقي (الله) في أهانة كبيرة له . كل فريق يجيب جون من تسلل يهيص ويقول الحكم موافق وحسب الجون .
مباراة غبية بين فريقين من العميان  مش ممكن يكون فيها فائز .
في ناس دخلت المدرجات غلط ومش عايزه المباراة وبتتفرج غصب عنها ومش مسموح لها تطلع من الإستاد , دول أكتر ناس هتخسر في المباراة.
الأمل الوحيد أن الحكم يلغي المباراة.

ليست هناك تعليقات:

إرسال تعليق