الأحد، 2 أكتوبر، 2011

إحنا شعب متدين ؟

- الأقباط قاموا ببناء سور دير الأنبا بيشوي بالمخالفة وقاموا بتعلية كنيسة إدفوا بالمخالفة وردهم علي كده في منتهي الغباء والنفاق والجهل (مهو المخالفات كتير في البلد إشمعنا إحنا؟)
 يعني لو الدعارة كتير في البلد هتمارسوا الدعارة ؟

طالما أخدتوا تصريح بناء وبتبنوا , بتخالفوا ليه يا ملح الأرض ونور العالم ؟ 
- المسلمين بيمارسوا كل أنواع المخالفات ولكن لما كنيسة بتخالف, الضمير الوطني عندهم بيصحي فجأة وبيطبقوا القانون بأيديهم . طيب ورونا شطارتكم في باقي المخالفات ولكن ضميرهم الأعور بيشوف بعين واحده .
لم أري في حياتي شعب يخالف ضميره الأنساني بسهولة مثل المسلمين .
قتل المسلمين لجيرانهم الأقباط في الكشح وهدم كنيسة صول وحرق كنيسة أمبابة وكنيسة أدفوا وما شابه من أحداث يقول المسلمين أنهم ضدها ويرفضوها وقبل أن تنتهي الجملة يكملون بكل برود ضمير ويرددون الأعذار التي بسببها تم أستفزاز المسلمين ودفعهم لهذه الأفعال .
أقباط ومسلمين مصر فاكرين أنهم أزكي من ربنا ويقدروا يضحكوا عليه بشوية صلاة وطقوس وعشور وزكاة ويقولوا إحنا شعب متدين .
إحنا شعب منافق .

هناك 7 تعليقات:

  1. انا متفق معاك فى جزء ان انا مبررش شيىء بغلط

    مفيش مشكله

    بس هل حضرتك مسألتش نفسك ليه بقى كده ؟

    الثقافة دى هى بقت السايدة

    من زمان

    هما اتعودوا على كدة انهم يبنوا الكنيسة بالمخالفات لأنه اساساً مش عارف ياخد اذن بنى
    و لا حتى يعرف يعدل حمام فى كنيسة

    بالرغم من ان الأديرة عندنا هنا فايف ستار يعنى اه مش كلها بس اهم اديرة عندنا هنا ليها مساحات شاسعة زرعاها


    بس اللى مش فاهموا استفزاز ايه فى بنى كنيسة او تجديده او توسيعها

    معلش فاهمنى النقطة دى لو ينفع

    دة مش معناها ان احنا ملايكة لا احنا فينا العبر برضه

    زى ما قلت كده شعب منافق

    بس مع احترامى لرأيك دة ميدهمش الحق كل ما يقوا الصبح حد مضايق حد يقتلوا ف الناس

    و لا ايه ؟؟؟؟؟؟؟؟؟؟

    ردحذف
  2. أسف لو تعليقى مش مُنسق

    ردحذف
  3. رامي
    شكراً علي التعليق , أنا شايف أننا متفقين بس أنت في الأخر بتسألني أكني ببرر للمسلمين أفعالهم , بالعكس مفيش أي عذر ليهم , أخلاقياً وأنسانياً هم مدانين تماماً . كل من شارك أو شجع علي هذه الأعتدائات هو متطرف وعقيدته فاسدة, وكل من يري في وجود كنيسة أستفزاز عقيدته فاسدة , وكل من يستأسد ويظلم ويكره لمجرد أنه أغلبية عقيدته فاسدة.

    ردحذف
  4. متدين مين،احنا شعب بيحب يريح دماغه و كل حاجة مش لاقيلها تفسير بيفسرها بالحنجل و المنجل و لا بأس من شوية قداسة و حبة روحانيات،نحن شعب لا يعبد الله،نحن شعب يعبد الماورائية،انما لو الناس دى بتعبد الله كما يدعون عمر ما سلوكهم هيبقى كده!

    ردحذف
  5. التدين عندنا ياأستاذي زي النضارة الشمس الريبان .. وسيلة احساس بالأفضلية

    ردحذف
  6. madokira10
    أنا تاريخ ميلادي 2 مايو 1970 بس ده علاقته إيه بالتدوينه ؟

    ردحذف