الثلاثاء، 25 سبتمبر 2012

عصير فار ميت

بصفتي مدرس ومتخصص ومؤلف كتب في التبريد والتكييف في مصر منذ عام 1990 فوجدت أنه من واجبي أن أنبه لمصيبه بتحصل والأغلبية متعرفهاش وهي أن مبردات المياه (الكولدير) من النوع العريض الإستانلس ستيل زي ما في الصوره , في منها أنواع بتتصنع في مصانع ويكون خزان الميه جواها محكم الغلق وملحوم , وفي نوع تاني أكثر أنتشاراً بيتصنع في الورش الصغيرة وأرخص في الثمن بيكون عباره عن حوض مفتوح بعوامه.

النوع ده لما بيعطل ونفتحه بنلاقي جواه كل ما يمكنك تصوره من قاذورات وصدأ وحشرات ميته وكتير بنلاقي جوه الميه فأر ميت ومتحلل
(أسف بس ده الي بيحصل) , والناس بتشرب ومش عارفين , ومفيش دوله محترمه بتحترم أدمية شعبها بتسمح بالجريمه دي.


أزاي ممكن نعرف النوع المقفول المحكم من النوع المفتوح بعوامه؟
سهل : لو فتحت الحنفيه لقيت الميه بتنزل بإندفاع شديد زي قوة حنفية البيت يبقي ده النوع المقفول الأمن , أنما لو لقيت الميه بتنزل بطيئة وضعيفة بدون ضغط يبقي ده النوع المفتوح بعوامه والي بنشرب منه عصير أمراض.
يا ريت الي يقدر يوعي الناس يعرفهم وخصوصاً الأطفال

ليست هناك تعليقات:

إرسال تعليق