الخميس، 27 سبتمبر، 2012

المصريين كتبوا دستورهم



معركة كتابة الدستور معركة شكلية ورمزية
المصريين كتبوا دستورهم فعلاً
لو تم أختيار أفضل المواد من أفضل دساتير العالم وتم عمل الدستور منها فلن تتحسن مصر ولو قليلاً
من سينفذ القوانين المولودة من الدستور؟ رجال الشرطه المصرية
من سيحكم بهذه القوانين ؟ القضاه المصريين
من سيفصل في إذا كان القوانين تتفق مع هذا الدستور ؟ قضاة المحكمة الدستورية المصريين
من سيوعي الشعب وينبهه عندما يتفق كل من سبق علي لي ذراع نصوص الدستور وتشكيلها حسب المزاج والمصلحه ؟ الإعلام المصري
من يملك الريموت كنترول السحري الذي يستطيع في دقيقة أن يقنع الملايين أن يتغاضوا عن كسر بنود الدستور ويلعنوه ويكفروه ؟ رجال الدين المسلمين والأقباط المصريين
كتابة الدستور بحروف وحبر وصياغته تجسيد لضمير وثقافة المجتمع
المجتمع المصري في أغلبه ضميره فاسد وثقافته فاشلة , وهو سعيد بل يتباهي بهذا الفساد وهذا الفشل
الدستور المصري بدله رسمية لازم تكون نضيفه وشيك وموضه علشان العالم هيشوفها , حتي لما نلبس أنضف بدله برضه من غير حموم هنفضل مش نضاف

معركتكم معركه وهميه وشكليه
المصريين كتبوا دستورهم فعلاً
لو بُعث موسي النبي وجائنا بدستور الوصايا العشر 
فلن نفلح

هناك تعليقان (2):

  1. ماشي ومع اعترافي الكامل بواقعيه المكتوب بس على الاقل يبقى عندك بدله نضيفه ... مش جلبيه افغاني وشبشب بصباع
    MishMish

    ردحذف
  2. لأ أنا بطلت لعبة القبول بأفضل المتاح
    مبنكرش علي حد أنه يقبل أفضل المتاح
    بس أنا لأ ,وده سبب مقاطعتي الإنتخابات من يوم إستفتاء مارس 2011
    بالنسبالي الأفغاني يلبس جلبيته والدنيا تبقي واضحه قدام نفسنا وقدام العالم كله أفضل لما الأفغاني يضحك علي نفسه وعلي العالم كله ويمثل ويتنكر ويلبس بدله نضيفه
    إميل

    ردحذف